Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2189 als ir got iemer lône.
        sî bât in harte schône.
        ouch was dâ gereit
        wol drîer hande cleit,
        grâ, härmîn, unde bunt:
2194 wan des was der wirt zaller stunt
        gewarnet als ein hövesch man
        der wol des lîbes pflegen kan
        und ders ouch guote state hât;
        dô welte si im die besten wât
2199 unde leite in die an.
        des andern âbendes gienc sî dan
        dâ sî ir vrouwen eine vant,
        unde machte sî zehant
        von vreuden bleich unde rôt.
2204 sî sprach 'gebet mir daz botenbrôt:
        iuwer garzûn der ist komen.'
        'waz mære hâstû vernomen?'
        'guotiu mære.' 'sage doch, wie?'
        'dâ ist ouch mîn her Îwein hie.'
2209 'wie mohter komen alsô vruo?'
[ zurück ]